Pertsonek enpresetan parte har dezaten sustatzeko adibide praktikoak
2017an lan handia egin dugu hainbat erakunderi laguntzeko, pertsonek enpresa-proiektuetan parte har dezaten. Gipuzkoako Foru Aldundiko Ekonomia Sustapena, Landa Ingurunea eta Lurralde Oreka Departamentuko «Pertsonekin eta lurraldearekin konprometitutako enpresak sustatzeko programa» ren esparruan egin dugu. Garatutako proiektuek modu aktiboan bultzatu dute parte-hartzea, nahiz eta jarduera edo metodo desberdinei jarraitu, erakundearen kultura motarekin, horien garapen-mailarekin eta ekimen bakoitzaren atzean dauden helburu estrategikoekin bat datozenak.
Horietako batzuk partekatu nahiko genituzke, arrakasta-kasuak izan baitira erakunde horientzat, eta ziur gaude beste askorentzat ere izan daitezkeela arrakastatsuak.
- Zeharkako ekipoen garapena
Proiektuak sail arteko eta diziplina anitzeko taldeen kultura eta sistema ezartzea izan du helburu, arazoak konpontzeko eta edozein arlotan eta edozein motatakoetan hobekuntzak ezartzeko. Pertsonak erakundea hobetzeko aukerak identifikatzean datza. Aukera horiei heltzeko, lantalde bat sortu behar da, eta pertsonek beren borondatez eman dezakete izena lantalde horretan. Lantalde horietarako dedikazioa lanorduetan egiten da. Gainera, proiektuaren trakzio-talde bat sortzen da, taldeak kudeatzeko trebetasunetan trebatua, eta abian jartzen diren taldeen buru banaka izango dena. Pertsonen inplikazioa eta parte-hartzea oso handia izan da, eta emaitzak bikainak. - Antolaketa-erronkak garatzeko plataforma
Beste esperientzia batek, berriz, pertsonen parte-hartzea oinarritu du online plataforma batean, horren bidez antolaketa-erronkak planteatu ahal izateko, eta erronka horien gainean haien garapenean lagunduko duten ideiak bilatzeko. Horrela, erakundeko pertsona guztiekin saio bat egin zen erronkak identifikatzeko, eta definitu eta lehenetsi ondoren, hilero botatzen ziren plataforman. Denbora horretan, nahi izan duten pertsona guztiek parte hartu dute horiek hobetzeko ideiak ematen. Ideiak lantalde batek kudeatzen zituen. Lantalde hori parte hartu nahi izan duten boluntarioek osatzen zuten, eta ez zuten zertan erantzukizunik izan behar antolaketan. Agintariek eskuordetze handia egiten zuten. Ideiak lan-giroa hobetzeko moduetatik hasi dira, egoera jakin batzuetan bezeroei ematen zaien erantzuna hobetzeko moduetara. - Parte-hartzearen trakzio-ekipo bat inplementatzea
Bestalde, pertsonen parte-hartzea sustatzeko jarduerak diseinatzeaz arduratuko diren taldeak sortzetik abiatu diren ekimenak ere izan dira. Arlo edo sail desberdinetako pertsonek osatutako talde honek pertsonen parte-hartzea bultzatzeko ekintzak diseinatu ditu. Egindako ekimenen artean liderrak edo arduradunak lidergo-estilo parte-hartzaileago batean prestatzea edo erakundearentzat garrantzitsuak diren ekitaldiak diseinatzea egon dira, erakundeko pertsona guztiak bertaratuta.
Ekimen guztiak arrakastatsuak izan dira eta beste antolaketa-eredu batzuetarantz aurrera egiteko balio izan dute, non pertsonek enpresa-proiektuari ekarpen bateratua egiten dioten.
